Nok oyaknyo hari rayo keduo dok g jale rayo mano-mano pon aku. Kebetule hari jumaak gok, malah nok g mano. Umoh worih g doh blako. Pagi pon mok aku wak sarape hok berat doh. Kenye pah ko pete aku.
Dale duk kemalase tu lepah asar aku g main puksa denge saim-saim hok lamo doh dok jupo. Main seje jah pong, tapi sebab dok rama main 4 ore jah sebeloh denge keadae lamo doh dok hungga hambak bola meme penak la seronyo weh. Jelir lidoh gok la.
Malenyo pulok aku dgn bini tupe naik keto sain aku g pasir mah ado saim skoloh dulu nikoh denge ore sano. Stendek doh jale nok g pasir mah tu dok ajin dok jem. Jem sokmo. Tapi tra jugok sebak dio ajok doh. Ingat key duk tepi jale jah sura dio, ruponyo nuh pah dale kapung keno masuk. Tapi mujur la ado rezeki nok tengok saim tu akad nikoh. Dey la sapa nyo. Pengantin akad nikoh bley-bley deme, jamoh dahi pon panah lagi.
Alah balik singgoh la make male di keda ike bakar tepi jale tendong tu. Tengok ore rama sedak bakali. Tapi memey sedak sengoti. Makane dio takdok hok lain selain ike bakar denge nasik putih. Memey jjadi la.
No comments:
Post a Comment